Talenti Rafael Leao po i kryen testet mjekësore në Milan

PUBLIKUAR

Sulmuesi i talentuar i Lille, Rafael Leao, është duke i kryer testet mjekësore në mënyrë që ta kompletojë transferimin e tij te gjiganti italian, Milan, për 30 milionë euro.

Leao arriti në Milan të martën në mëngjes dhe tani është në klinikën “La Madonnina” për t’i kryer të gjitha testet mjekësore, para se të nënshkruajë kontratë pesëvjeçare, transmeton Gazeta Express.

Kuqezinjtë janë duke paguar 30 milionë euro plus bonuse për 20-vjeçarin , mirëpo Sky Sports Italia nuk e përmend nëse në marrëveshje përfshihet edhe mbrojtësi i ekipit të të rinjve të Milanit, Tiago Djalo.

Ai do ta plotësojë hapësirën e lënë bosh nga Patrick Cutrone, i cili dje e kompletoi transferimin në Eolverhampton Wanderers.

Leao i shënoi tetë gola në 24 paraqitje në Ligue 1 gjatë sezonit të kaluar për Lille, duke i ndihmuar skuadrës së tij të përfundojë në pozitën e dytë në tabelën e ligës së nivelit të parë të futbollit në Francë.

Portugezi, i cili luan për ekipin kombëtar U-21, mund të luajë edhe si sulmues i dytë dhe në krahun e majtë, por preferon të luajë në pozitën e qendërsulmuesit. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...