Analisti politik, Naim Rashiti thotë se nëse Gjykata Kushtetuese vlerëson se janë bërë shkelje kushtetuese në rastin e zgjedhjes së kryetari të Kuvendit, Isa Mustafa mund ta ketë fatin e Pacollit.

Rashiti nuk ndalet me kaq. Shton se në këtë rast bie edhe i tërë parlamenti.

“Megjithatë shumë qartë sot janë bërë shkelje të cilat mund t’i anuloj Gjykata kushtetuese. Koalicioni LDK-AAK-NISMA ka zgjedhur kryetarin por në këtë mënyrë ka rrezikuar shumë. Çka ndodh nëse Gjykata rrëzon këto vendime. Isa Mustafa mund ta ketë fatin e Pacollit por në këtë rast besoj se bie edhe i tërë parlamenti nëse konstatohet se janë bërë shkelje kushtetuese”, ka shkruar ai në Facebook.

Sipas tij, të gjitha partitë, duke filluar nga PDK, janë fajtore që nuk janë ulur të pajtohen për procedurën apo që se bashku t’i drejtohen Gjykatës Kushtetuese.

“Formën që kanë vepruar të dy kampet, kanë provuar ta zgjedhin kryetarin e Kuvendit në një fare mënyre vjedhurazi. Pra nëse Gjykata konstaton shkelje, do të jetë keq dhe me gjasë shpërndahet parlamenti. Kjo do të ketë një kosto për koalicionin. Nëse Gjykata konstaton se procedurat janë respektuar, PDK duhet të respektoj atë dhe pranoj Isa Mustafën si kryetar legjitim të parlamentit”, ka Rashiti. /Telegrafi/