Ish-ylli i ri i Paris Saint-Germainit, Moussa Diaby, e ka mbrojtur Neymarin nga kritikat e shumta për sjelljen dhe qëndrimin e tij prej ta famshmi në Parc des Princes, duke këmbëngulur se askush asnjëherë nuk ka pasur probleme me brazilianin gjatë kohës së tij në klub.

Neymar iu bashkua PSG-së në verën e vitit 2017 për 222 milionë euro nga Barcelona, duke u bërë lojtari më i shtrenjtë në botën e futbollit, transmeton Gazeta Express.

Por Neymar ende nuk e ka kompletuar një sezon të plotë në PSG, për shkak të lëndimeve të shpeshta që ia kanë pamundësuar paraqitjet e rregullta.

Qëndrimi dhe sjellja e 27-vjeçarit janë vënë në pikëpyetje në disa raste, duke i nxitur thashethemet e freskëta se ai dëshiron të kthehet në Camp Nou gjatë kësaj vere.

Diaby, i cili u largua nga PSG-ja dhe iu bashkuar Bayer Leverkusenit në qershor, pohon se Neymar është viktimë e gjykimeve të padrejta nga mediat.

“E kam takuar Neymarin si lojtar normal. Ai nuk u shit si i famshëm aspak dhe nuk kërkonte ta godasë cdo top në fushë. Ai nganjëherë u jepte këshilla lojtarëve të rinjtë”, tha ai.

“Ai ka shumë përvojë, ama të gjithëve na ka trajtuar njëjtë. Askush nuk pa pasur probleme me të”, shtoi ai. /Gazeta Express/