Mauro Icardi ka filluar stërvitjen e rregullt me Interin dhe me shumë mundësi do të jetë gati për ‘Derby della Madonnina’.

Sulmuesi argjentinas ishte detyruar të dalë në pjesën e parë në ndeshjen kundër Atalantas, pasi kishte pësuar një lëndim të vogël në kofshë.

Që pas ndeshjes së parë, ai është stërvitur individualisht, por të martën është stërvitur normalisht me pjesën tjetër të ekipit.

Në ditët e ardhshme, argjentinasi pritet të rritë edhe intensitetin e stërvitjes, pasi trajneri e do 100 për qind gati për ndeshjen kundër Milanit. /Telegrafi/