Eden Hazard debutoi për Real Madridin në një ndeshje miqësore ndaj Bayern Munichut në Houston, duke e bartur fanellën me numrin 50 në shpinë.

Duke qenë se ende është pa numër zyrtar, pasi numri i tij i parapëlqyer, 7, është i zënë nga Mariano Diaz, anësori belg zgjodhi një numër unik për ndeshjen e tij të parë për Madridin, transmeton Gazeta Express.

Ndërkohë, blerjet e reja Ferland Mendy dhe Luka Jovic zgjodhën numrat 23 dhe 18, përkatësisht, të cilët deri tani janë bartur nga Sergio Reguilon dhe Marcos Llorente, përkatësisht.

Zgjedhja befasuese e Hazardit, megjithatë, është e mundur vetëm në ndeshje miqësore sepse La Liga lejon përdorimin e numrave vetëm nga 1 deri në 25. /Gazeta Express/