Juventusi ofron 20 milionë euro dhe talentin Kean për Icardin

PUBLIKUAR

Juventusi është duke u përpjekur ta shfrytëzojë në maksimum situatën e Mauri Icardin duke ia ofruar Interit të riun Moise Kean dhe 20 milionë euro në shkëmbim të argjentinasit.

Icardi u largua nga kampi stërvitor i Interit pas dakordimit të përbashkët dhe u kthye në Milano për t’u stërvitur i vetëm. Argjentinasi është i zemëruar se Antonio Conte nuk e ka përdorur as në stërvitjet taktike me skuadrën, transmeton Gazeta Express.

Edhe pse Atletico Madridi, Napoli dhe Roma kanë shfaqur interesim, Icardi e ka bërë të qartë se e dëshiron vetëm Juventusin.

Drejtori sportiv i Juves, Fabio Paratici, shkoi në Ibiza javën e kaluar për të biseduar me menaxheren dhe bashkëshorten e Icardit, Wanda Nara.

Interi dëshiron ta shesë patjetër sulmuesin dhe i ka vënë një çmim prej 60 milionë euro, por Juve nuk është e gatshme ta paguajë këtë shumë prandaj po shikon mënyra të tjera.

Kampioni italian është i gatshëm ta ofrojë sulmuesin Moise Kean dhe 20 milionë euro për Icardin. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...