PSG-ja nuk do t’ia japë 375 mijë euro Neymarit këtë muaj

PUBLIKUAR

Për shkak se nuk u kthye në kampin stërvitor të Paris Saint-Germainit në kohë, Neymarit nuk do t’i paguhet bonusi prej 375 mijë eurove për sjellje të mirë nga klubi francez këtë muaj.

Neymari është duke tentuar ta forcojë kthimin e tij në Barcelonë nga Paris Saint-Germaini këtë verë. Ai e dëshiron këtë transferim me shumë ngulm, dy vjet pasi u largua nga Camp Nou për Paris, transmeton Gazeta Express.

Dy klubet – Barcelona dhe Paris Saint-Germaini – kanë kohë deri më 2 shtator për ta arritur një marrëveshje të plota. Neymari tashmë ka arritur marrëveshje personalisht për kontratën e tij me Barcelonën, por gjithçka varet nga çmimi që PSG-ja ia kërkon Barcelonës.

Neymari e zemëroi PSG-në në fillim të kësaj jave, duke mos pranuar të kthehet në kampin stërvitor të klubit francez. Babai i 27-vjeçarit e mbrojti djalin e tij, duke thënë se PSG-ja e dinte se braziliani do të kthehej më 15 korrik.

Por, deklarata e PSG-së – ku pretendohet se klubi do ta ndëshkojë Neymarin për veprimin e tij – sugjeron diçka plotësisht të kundërt.

Për ta ndëshkuar Neymarin për mungesën e tij këtë javë, PSG-ja nuk do t’ia paguajë atij 375 mijë eurot në muaj, që ia jep zakonisht për sjellje të mirë. Kjo klauzolë është në kontratën e brazilianit.

E përditshmja spanjolle, Marca, raporton se ky bonus i Neymarit këtë muaj do të shkojë në shoqatën bamirëse të klubit. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...