Zyrtare: Lampard emërohet trajneri i ri i Chelseat

PUBLIKUAR

Njëri ndër lojtarët më legjendarë në histori të Chelseat, Frank Lampard, do të kthehet në Stamford Bridge për sezonin 2018/19, por këtë herë do të ulet në karrigen e trajnerit.

Chelsea e ka zyrtarizuar emërimin e Frank Lampardit në pozitën e trajnerit të klubit londinez, pasi ish-mesfushori i “Blues” ka nënshkruar kontratë trevjeçare me klubin, duke u bërë kështu zëvendësuesi i Maurizio Sarrit, transmeton Gazeta Express.

“Jam thellësisht krenar që po kthehem në Chelsea si trajner. Të gjithë e dinë dashurinë time për këtë klub dhe historinë që e kemi ndarë bashkë. Megjithatë, fokusi im i vetëm është puna që e kam në duar dhe përgatitjet për sezonin e ardhshëm”, u shpreh Lampardi.

“Jam këtu për të punuar shumë dhe për t’i sjellë klubit edhe më shumë suksese. Mezi po pres ta fillojë punën”, shtoi anglezi, i cili sezonin e kaluar e drejtoi Derby Countyn në Championship, nivelin e dytë të futbollit në Angli.

Chelsea FC

✔@ChelseaFC

HE’S HOME! 🙌

Frank Lampard is the new Chelsea head coach!

Frank Lampard is home!

www.chelseafc.com

18K people are talking about this

41-vjeçari kthehet në klubin ku kishte luajtur për 13 vjet, duke i shënuar 211 gola në 649 ndeshje në atë që mbetet epoka më e suksesshme në historinë e klubit.

Lampardi i fitoi tre tituj të Premierligës, titullin e Ligës së Kampionëve, katër tituj të FA Cup, dy tituj të League Cup dhe një titull të Ligës së Evropës. Ai gjithashtu ishte i dyti në radhë për Topin e Artë në vitin 2005, pas Ronaldinhos.

Uebsajti ndërkombëtar i futbollit, Goal.com, raporton se Lampardi do ta sjellë me vete stafin e tij që e kishte në Derby County. Ish-mesfushori i Chelseat, Jody Morris, do të jetë ndihmësi i tij edhe në Stamford Bridge.

Ish-trajneri i “Blues”, Chris Jones, gjithashtu do të kthehet, përderisa zyrtari për vlerësimin e paraqitjeve, Steve Rands, besohet se do të jetë njëri personat të cilët do t’i bashkohen klubit londinez. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...