Shigjetarja kosovare nuk ka arritur rezultate pozitive në Lojërat Evropiane “Minsk 2019” duke u eliminuar sot nga britanikja Michaela Bryony Pitman, në 1/32 e finales
Shigjetarja e vetme nga Kosova në këtë sport, Ardita Zenullahu i ka mbyllur sot garat në Lojërat Evropiane “Minsk 2019”.
Ajo u eliminua nga britanikja favorite, Michaela Bryony Pitman, në 1/32 e finales.
Ardita deklaroi pas garës se kjo ishte një përvojë e mirë e fituar në Minsk, por që ka shpresuar që sot të ketë paraqitje më të mirë.
Edhe trajneri Fehmi Bylykbashi tha se pjesëmarrja në Lojërat Evropiane është një ëndërr, ndërsa Arditës i mungoi përvoja, sidomos sot ndaj britanikes, ku kishte edhe emocione. /Gazeta Express/
