Zyrtare: Roma emëron trajnerin e ri

PUBLIKUAR

Roma ka bërë të ditur se e ka emëruar Paulo Fonseca në pozitën e trajnerit përmes llogarisë zyrtare në rrjetin social Twitter, pasi Cluadio Ranieri u largua nga kjo pozitë.

46-vjeçari Paulo Fonseca ka pranuar t’i drejtojë verdhekuqët për dy sezonet e ardhshme, ndërsa në kontratën e tij me klubin është edhe një opsion për ta zgjatur edhe për një vit tjetër, deri në verën e vitit 2022, transmeton Gazeta Express.

Claudio Ranieri e kreu detyrën e trajnerit të Romës nga 8 marsi i këtij viti deri në fund të sezonit, mirëpo kontrata e tij ishte vetëm për sezonin 2018.19, derisa Roma ta gjente një trajner tjetër afatgjatë.

“Jemi të kënaqur ta ftojmë Paulo Foncesan në klub. Paulo është një trajner i ri dhe ambicioz me përvojë ndërkombëtare, mentalitet fitues dhe reputacion për futbollit të guximshëm e sulmues që do t’i emocionojë tifozët tanë”, ka thënë presidenti i Romës, Jim Pallotta.

Foncesa, me prejardhje nga Portugalia, i bashkohet Romës nga Shakhtar Donetsk, ku ai i kishte fituar titujt e ligës dhe kupës në të tri sezonet me klubin ukrainas. Ai e fitoi edhe Superkupën e Ukrainës në vitin 2017.

“Jam shumë i kënaqur që jam trajneri i ri i Romës. Dëshiroj ta falënderoj stafin menaxherial të klub për mundësinë që ma kanë dhënë. Jam i emocionuar dhe i motivuar nga detyra që e kam para vetes”. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...