Është bërë përurimi i rrugës së asfaltuar në lagjen “Pojata”, në Krojmir.
Nën organizimin e banorëve të fshatit Krojmir përkatësisht lagjes së “Pojatave”, u zhvillua ceremoni inaguruese për asfaltimin e rrugës së re. Në këtë solemnitet rasti prezent ishte edhe Kryetari i Komunës së Lipjanit Imri Ahmeti me bashkëpunëtor, ku mes të tjerash tha se lagjeja e ” Pojatave”, meriton edhe me shumë mbështetjen dhe përkrahjen e Komunës, sepse është lagjeja e Dëshmorëve të Kombit, sepse pikërisht në këtë lagje kanë dhënë jetën Dëshmorët e Kombit ka thënë Kryetari Ahmeti, duke uruar banorët për këtë projekt që ta gëzojnë çdo gjeneratë pas gjenerate.
Ceremonia e prerjes së shiritit u bë nga Kryetari Imri Ahmeti, familjarë të Dëshmorëve dhe nga Xhevdet Qiriqi kryetari i Këshillit për të Drejtat e Veteranëve të UÇK-së. Në fund të këtij solemniteti banorët e fshatit Krojmir kanë dhuruar Kryetarit Imri Ahmeti një plis të bardhë në shenjë mirënjohje dhe falenderimi për kontributin e dhënë.