Sulmuesi i Bayern Munichut, Thomas Muller, ka hedhur poshtë raportimet për një transferim të tij te Manchester United.
Ishte spekuluar se Van Gaal do ta thyejë bankën për lojtarin fantastik, por duket se kjo mbetet vetëm ëndërr e teknikut holandez të United.
“Louis Van Gaal nuk më ka telefonuar, kështu që nuk kam ndonjë dijeni për këtë transferim”, potencoi Muller pas ndeshjes ndaj Bayer Leverkusenit.
Muller ka shënuar dy gola në paraqitjen e tij të 200-të në Bundesliga ndaj Leverkusenit në Allianz Arena. /Telegrafi/
