Përveç ekipeve nga Liga Premier, Alex Song, tani është duke u kërkuar edhe nga Juventusi, i cili edhe ka bërë ofertën e parë.

‘The Sun’, sot në mëngjes shpalosi një surprizë të vogël, ku thuhet se ‘Zonja e Vjetër’ ka shfaqur interesim për të siguruar shërbimet e Alex Song nga Barcelona.
Mesfushori katalunas sezonin e kaluar ishte i huazuar te West Ham United, ku arriti të shkëlqejë duke u bërë një ndër lojtarët kryesor të ekipit anglez dhe njëkohësisht më i kërkuari, transmeton Telegrafi.
Kamerunasi, i cili momentalisht është pjesë e ekipit spanjoll, besohet së është në negociata të vazhdueshme me ‘The Hammmers’.
Por, interesimi i Juves në momentet e fundit ka bërë që gjërat të marrin kah tjetër, pasi thuhet se tani ekipi italianë ka bërë edhe ofertën e parë drejtë kampionëve spanjoll. /Telegrafi/