Conte e do Lukakun te Interi

PUBLIKUAR

Antonio Conte i ka kërkuar Interit që të transferojë Romelu Lukakun nga Manchester United për të forcuar sulmin, raporton Corriere dello Sport, transmeton Gazeta Express.

Në Itali tashmë e quajnë punë të kryer emërimin e Contes në stolin e Interit për sezonin e ardhshëm, ndërsa Luciano Spallettit do t’i tregohet dera.

Ai dëshiron të bëjë shumë ndryshime në skuadër, në veçanti në krah dhe në sulm.

Diego Godin tashmë ka nënshkruar kontratë tri-vjeçare, pasi është lojtar i lirë – ditë më parë lajmëroi për largimin nga Atletico Madridi.

Tani “Corriere dello Sport” shkruan se Conte i ka kërkuar Interit që t’ia sjellin në Itali sulmuesin e Belgjikës, Romelu Lukaku.

Lukaku, që të hënën mbush 26 vjet, nuk po kalon një edicion të mirë me “Djajtë e Kuq” dhe raportohet se nuk bën pjesë në planet e Solskjaer. Ai ka shënuar 15 gola dhe ka dhuruar katër asiste në 45 paraqitje këtë edicion me Manchester Unitedin.

Lukaku mund të jetë zëvendësuesi i Mauro Icardi, që pavarësisht deklaratave të Wanda Naras se do të qëndrojë, ajo që ndodhi në fillim të këtij viti, do ta largojë nga Interi. Jventusi po interesohet për argjentinasin. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...