Kloppi e komenton përballjen me Lionel Messin në gjysmëfinale

PUBLIKUAR

Trajneri i Liverpoolit, Jurgen Klopp, ka bërë të ditur se ende nuk është duke menduar për betejën me Lionel Messin e Barcelonës, duke shtuar se janë të emocionuar për këtë përballje, përkundër që askush nuk ka arritur ta ndalë argjentinasin deri më tani.

Gjiganti i Premierligës, Liverpooli, e mposhti lehtësisht mbrëmë Porton, me rezultat 4:1, për ta siguruar një vend në gjysmëfinale të Ligës së Kampionëve me rezultat të përgjithshëm 6;1, transmeton Gazeta Express.

Pas kësaj arritjeje, skuadra e Jurgen Kloppit tani do të përballet me Barcelonën në gjysmëfinale të kësaj gare evropiane. Për ta siguruar vendin në gjysmëfinale, Lionel Messi i ndihmoi Barcelonës ta mposhtë Manchester Unitedin me rezultat të përgjithshëm 4:0.

Në konferencën për shtyp pas ndeshjes kundër Portos, Kloppi tha se Messi – që i ka shënuar 45 gola dhe i ka asistuar 21 të tjera në 42 ndeshjet e këtij sezoni – e ka dëshmuar se është i pandalshëm.

“Faleminderit Zotit që nuk duhet të mendoj për këtë gjë dhe i kam edhe disa net të tjera deri atëherë. Të gjitha kanë tentuar ta ndalin dhe, deri më tani, askush s’e ka arritur këtë gjë”, është shprehur Kloppi.

“Megjithatë, ne jemi të emocionuar për këtë sfidë. Por, kemi shumë punë për të bërë para se të takohemi me Barcelonën. Do ta shohim”.

Gjysmëfinalja tjetër do të zhvillohet mes Tottenhamit, që mbrëmë e eliminoi në mënyrë dramatike Manchester Cityn, dhe Ajaxin, që të martën e tronditi Juventusin. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...