Ish-trajneri i Interit, Roberto Mancini, beson se Juventusi nuk do ta fitojë titullin e Serie A në sezonin e ardhshëm, porse do t’i takojë Napolit.

Ekipi i Rafa Benitez ka dështuar të dalë më lartë se Bianconerët në tre vitet e fundit, pasi Zonja e Vjetër gjithmonë e fitonte titullin në fund.

Mirëpo, pas largimit të Antonio Contes dhe angazhimit të Massimiliano Allegrit si trajner i bardhezinjve, Mancini mendon se titulli nuk do të jetë i Juves.

“Është e mundur që te lojtarët e Juves ekziston një lloj konfuzioni. Për Allegrin do të jetë vështirë, por ai do të jetë krenar që i është dhënë mundësia të jetë trajner i një klubi të tillë”.

“Atij nuk do t’i duhen shumë përforcime në skuadër për të garuar për titull, edhe pse këtë vit kam një tjetër fitues në mendje: Napoli”, ka deklaruar Mancini për Sky Sport 24. /Telegrafi/