Challandes befason me deklaratën për Zhegrovën

PUBLIKUAR

Tifozët e kritikojnë. Por, Bernard Challandes vazhdon ta përkrah Edon Zhegrovën.

Kosova shkëlqeu të enjten mbrëma në miqësoren e së enjtes ndaj Danimarkës.

Kjo e fundit i shpëtoi humbjes në minutat e lojës shtesë kur arriti ta barazojë rezultatin në 2:2, duke ia mohuar krejt në fund fitoren skuadrës sonë.

Tifozët kosovarë u ndanë të kënaqur edhe me barazimin duke e pasur parasysh se Danimarka është e dhjeta aktualisht në ranglistën botërore. Edhe më të kënaqur ishin me lojën fantastike të “Dardanëve”. Por, u mbeti merak që për pak nuk e shënuan fitoren e madhe dhe për këtë fajin e hodhën te Edon Zhegrova, i cili e humbi një top dhe pastaj erdhi deri te penalltia që e fituan danezët, raporton Gazeta Express.

Tifozëve po u mbetet hatri edhe në përzgjedhësin Bernard Challandes për besimin e madh ndaj Zhegrovës. Por, trajneri ynë zviceran vazhdon ta përkrah Zhegrovën edhe në këtë rast.

“Siç e panë të gjithë, Edoni nuk e kishte ditën e tij. Por, mos të harrojmë se ai është një lojtar shumë i ri. Ju e patë vetëm kur e humbiste topin, por unë po ju them se ai mori pjesë në aksionin e golit të dytë që e shënuam, kur Edoni ia dha topin asistuesit, Arbër Zenelit”, tha Challandes, përcjell Gazeta Express. Zhegrova së fundmi ka kaluar në Basel nga Genku. /Gazeta Express

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...