Mourinho, pasi Zidane u zgjodh trajner i Realit: Kjo është gjëja më e përsosur për mua

PUBLIKUAR

Jose Mourinho e ka përshkruar kthimin e Zinedine Zidane në pozitën e trajnerit të Real Madridit si gjënë më të përsosur për të tri palët, madje edhe për portugezin, i cili ishte njëri ndër emrat e përfolur për ta marrë këtë pozitë.

Mourinho e kishte stërvitur skuadrën e Real Madridit mes viteve 2010 dhe 2013. Mediat spanjolle kishin raportuar se ai mund të kthehet në Santiago Bernabeu për ta zëvendësuar Santiago Solarin, i cili u shkarkua pas eliminimit nga Liga e Kampionëve, transmeton Gazeta Express.

Portugezi, i cili ishte shkarkuar nga Manchester Unitedi më 18 dhjetor të vitit të kaluar, ia ka dhënë mbështetjen e tij Zidanit dhe ka thënë se ai do ta dëshmojë sa i mirë është.

“Mendoj se është e përsosur për shkak të gjërave fantastike që ai i ka bërë gjatë viteve të fundit. Është e përsosur për mua, e përsosur për Madridin dhe e përsosur për Zidanin”, ka thënë Mourinho.

“Mendoj se është mundësia më e mrekullueshme që ai mund ta ketë për ta dëshmuar sa i mirë është, veçanërisht tani me një projekt të ri. Mendoj se ai është i mrekullueshëm”. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...