Ronaldo e barazon rekordin e Messit për het-trike

PUBLIKUAR

Super ylli portugez, Cristiano Ronaldo, ia siguroi Juventusit një vend në çerekfinalet e këtij sezoni të Ligës së Kampionëve.

Tri golat e shënuara mbrëmë kundër Atletico Madridit bënë që Cristiano Ronaldo t’i ketë shënuar plot 63 gola në fazën e eliminimit direkt të garës më prestigjioze në Evropë, transmeton Gazeta Express.

Këto gola i shërbyen portugezit edhe për ta barazuar rekordin e rivalit të tij, Lionel Messit, për het-trika të shënuar në Ligën e Kampionëve. Tani, që të dy e kanë arritur shumën prej tetë het-trikeve.

Paraqitja e mrekullueshme e Ronaldos mbrëmë bëri që Juventusi ta përmbysë rezultatin kundër Atletico Madridit, duke fituar me rezultat 3:0. Ky rezultat i kualifikoi italianët në fazën e çerekfinaleve të Ligës së Kampionëve.

Atletico ishte edhe më parë viktimë e Ronaldos në Ligën e Kampionëve. Hera e fundit që portugezi kishte shënuar het-trik në këtë garë ishte pikërisht kundër Atleticos. /

Edhe pse ky është sezoni i parë i Ronaldos me Juventusit, ai veçse ka arritur ta barazojë rekordin për golashënuesin më të mirë në Allianz në ndeshjet e Ligës së Kampionëve, duke i shënuar tetë, po aq sa Arturo Vidal. Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...