Për hir të transparencës dhe fjalës së dhënë publike, jam i obliguar që ti informoj aktivistët e Lëvizjes dhe opinionin publik, se prononcimi im dhënë në të përditshmen “Koha Ditore” tek gazetari Agim Ademi në numrin e sotëm në shkrimin me titull: “GAP: Ahmeti realizoi 14 projekte nga 72 të premtuara”, nuk është plasuar i tëri dhe në të ka pasur ndërhyrje pa pëlqimin tim dhe pa më njoftuar paraprakisht.

Këtu poshtë po e plasoi prononcimin tim të plotë pa ndërhyrje redaksionale.
Faleminderit për mirëkuptim!

– Premtimet paraelektorale apo edhe gjatë fushatave elektorale, tek ne janë një dukuri e brishtë që e kanë përcjell vendin tonë nga pas luta e gjerë më tani. Si në fushata për zgjedhje nacionale e edhe në ato lokale, tendenca për ta mashtruar qytetarin me premtime megalomane nuk kanë të ndalur.

Politika nuk është mashtrim siç sot po definohet në shumë rrafshe jetësore tek ne. Politika është çështja më serioze që ekziston ngase ajo definon dhe përcakton jetën tonë! Politika dhe fjala e dhënë e një politikani në perëndim është vlerë dhe po ashtu konsiderohet e shenjt si për politikanin që e thotë dhe po ashtu edhe për vet qytetarin që përzgjedh programin me të mirë nga X-Y politikani.

Fatkeqësisht në komunën tonë janë dhënë rreth 72 premtime ku sipas të dhënave që ne posedojmë vetëm 14 nga premtimet elektorale të partisë në pushtet deri më tani janë realizuar. Sipas informatave që posedojmë 32 nga këto premtime as që kanë filluar së zbatuari e 14 nga to janë në stadin fillestar.

Komuna e Lipjanit dhe qytetari i komunës ka filluar që të zgjohet dhe ka filluar që ti kuptoj mashtrimet që u janë bërë ne vazhdimësi nga partitë që kanë qeverisur e po qeverisin me komunën tonë.

Një premtim që ishte dashtë të realizohet deri më tani është ai i Instalimi të kamerave në të gjitha institucionet shkollore. Duke pas parasysh rritjen e bulizmit nëpër shkollat tona dhe njëkohësisht përdorimin e substancave narkotike, kjo gjë ish dashtë që të ketë prioritet absolutë ngase investimi i tillë do ta ngritëse si sigurinë po ashtu edhe cilësinë e mbarëvajtjen e rregullt të sistemit arsimorë nëpër fshatra e qytet. E të mos flasim për premtimet tjera si ajo mësim gjithë-ditor në disa shkolla ku realizimi i tij as që diskutohet e lerë më të krijohen kushte për implementimin e tij etj.

Besoi e shpresoi që qytetari i Lipjanit ka mësuar shumë nga këto qeverisje një pas një të cilat përveç premtimeve boshe e të parealizuara kanë shkatërruar dhe po vazhdojnë ta shkatërrojnë në çdo pore jetësore mirëqenien e qytetarit të Komues së Lipjanit.

Kërkojmë nga udhëheqja komunale që të merret me seriozisht me problemet që ceka më lartë dhe të punoj më shumë në realizimin e premtimeve të dhëna, ngase ato do të ndikonin në mënyrë pozitive në jetën e qytetarit. Të interesuar edhe ne jetësisht për mirëqenien e qytetarit të Lipjanit dhe komunës në përgjithësi, shpresojmë që oservacionet tona të merren si shtytje pozitive në realizimin e atyre që u është premtuar qytetarëve në fushatë zgjedhore dhe më gjerë.