Zeneli për golin e tij të parë me Reims: Golin ia kushtoj dikujt të veçantë, e di ajo

PUBLIKUAR

Arbër Zeneli është shprehur i lumtur për golin e tij të parë me klubin e ri, Stade de Reims, të cilin thotë se ia kushton dikujt shumë të veçantë.

Anësori i ekipit kombëtar të Kosovës, Zeneli e shënoi golin e tij debutues për Reims në fitoren 4:2 kundër Montpellier të dielën në Ligë 1, një muaj pas transferimit nga Heerenveni, shkruan Gazeta Express.

Ai i ka quajtur fantastikë bashkëlojtarët e tij në ndeshjen e së dielës, në fitoren që ai shkëlqeu me gol dhe asist.

“Jam i lumtur që e shënova golin e parë për klubin”, shkroi Zeneli në Instagram.

Golin e parë në fanellën kuqebardhë, 24-vjeçari i dedikon dikujt të veçantë.

“Golin ia dedikova dikujt të veçantë, e di ajo kush është”, shtoi ai.

Futbollisti më i mirë i Kosovës për vitin 2018 – ai i cili e udhëhoqi vendin drejt sigurimit të një vendi në play-off për kualifikime në Kampionatin Evropian 2020 dhe drejt promovimit në Ligën C të Ligës së Kombeve – feston sot 24 vjetorin e lindjes në një klub dhe ligë të re.

Zeneli e kompletoi kalimin nga Heerenveni në Reims në fund të afatit kalimtar dimëror, duke u larguar nga liga elitare holandeze, Erevisie, si asistuesi më i mirë, me nëntë asiste dhe tri gola në 17 paraqitje

Që prej mbërritjes së tij në Reims më 26 janar, 24-vjeçari ka luajtur 18 minuta kundër Olympic Marseille, 6 kundër Toulouse, 40 mundër Rennes dhe 90 minuta të plotë kundër Montpellier.

Ai tani regjistron një gol dhe dy asiste për Reims. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...