Isco është rikthyer në garë për një vend në ekipin e parë në Real Madrid, pasi është riaftësuar nga lëndimi që ia pamundësoi paraqitjen kundër Atletico Madridit.
Nuk pritet që Santiago Solari ta presë duar hapur Iscon, por mesfushori spanjoll është gjithsesi opsion shtesë për trajnerin duke pasur parasysh ndeshjet e shumta të Realit në vazhdim, transmeton Gazeta Express.
Ndeshja e radhës në La Liga e Real Madridit është sot kundër Levantes dhe Isco është i gatshëm për një mundësi të dytë në ekip.
Ndërkohë, Marcos Llorente vazhdon të stërvitë i veçuar nga grupi në përpjekje për ta marrë veten nga lëndimi.
Në përgjithësi, 24 futbollistë janë në dispozicionin e Solarit për ndeshjen ndaj Levantes, në të cilën, megjithatë, do të mungojë Sergio Ramos, i suspenduar. /Gazeta Express/


