Barcelona parashikohet t’i fitojë të gjashtë titujt e mundshëm në vitin 2015, nga të cilët katër tashmë i ka fituar.

Ishte goli i Pedros i shënuar në vazhdimet e takimit që i dha skuadrës së Luis Enrique trofeun e katërt të sezonit, atë të Superkupës së Evropës.

Por Barca tash ka edhe dy tituj të mbetur për këtë vit, me të parin që është ai Superkupës së Spanjës ndaj Athletic Bilbao. Sfida zhvillohet në dy ndeshje, të parën ndeshje që luhet të premten në SanMames dhe tjetrën pas një jave në Camp Nou.

Kampionët e Spanjës më vonë gjatë këtij viti do të udhëtojnë në Japoni ku do të luajnë në Kupën Botërore të Klubeve, që do të jetë edhe trofeu i fundit i vitit për to.

Hera e parë dhe e fundit që Barca fitoi gjashtë trofetë ishte viti 2009, kur Blaugranët drejtoheshin nga Pep Guardiola. /Telegrafi/