​UEFA i refuzon planet e FIFA-s për Ligën e Kombeve

PUBLIKUAR

Kryesuesit e futbollit profesionist në Evropë, UEFA, i kanë refuzuar planet e FIFA-s për ta ndryshuar formatin e Kupës së Botës për Klube, si dhe për ta inauguruar një Ligë të Kombeve Globale para vitit 2021.

Presidenti i FIFA-s, Gianni Infantino, do të tentojë ta realizojë këtë ide të tij edhe një herë tjetër, në takimin e muajit të ardhshëm, në Miami, pasi që ai dëshiron ta krijojë një shtesë nga Ligës së Kombeve të UEFA-s, transmeton Gazeta Express.

Megjithatë, pas takimit që u mbajt sot mes presidentit të UEFA-s, Aleksander Ceferinin, dhe Këshillimit Strategjik të Futbollit Profesionist të Evropës, propozimi i Infantinos u hodh poshtë. Kjo gjë u bë e ditur përmes një deklaratë të lëshuar për media.

“Është e qartë që propozimet aktuale janë të papranueshme. Këshilli Strategjik i Futbollit Profesionist Evropian ka vendosur unanimisht që gara të reja mund të krijohen vetëm pas vitit 2024, pasi që deri atëherë janë të organizuara ndeshjet”, shkruhet në njoftimin e lëshuar.

“Për më tepër, të gjitha çështjet sportive dhe komerciale duhet të diskutohen dhe vendosen paraprakisht”.

Ky njoftim vjen pas lajmeve që UEFA i ka regjistruar në emër të saj emërtimet: “Liga e Kombeve”, “Liga e Kombeve Globale” dhe “Liga e Kombeve e Botës”. Këto regjistrime ajo i ka bërë të dhjetor në SHBA, ndërsa më herët i kishte bërë në Bashkimin Evropian. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...