​Barcelona i huazon 140 milionë euro

PUBLIKUAR

Barcelona e ka siguruar një huazim në vlerë prej 140 milionë eurosh nga dy kompani fondesh amerikane, me interes 1.5 për qind për pesë vjetët e ardhshme.

Katalonasit, të cilët në të kaluarën ishin mësuar të merrnin huazime të tilla përmes disa marrëveshjeve me banka, i kanë siguruar tifozët se situata financiare e klubit është e qëndrueshme, transmeton Gazeta Express.

Ashtu siç ishte raportuar nga El Pais, blaugranët e theksuan faktin se bordi i klubit, bashkë me Josep Bartomeun, ka fituar mjaft shumë para gjatë sezoneve të fundit, mirëpo nuk e kanë përjashtuar asnjëherë mundësinë që të marrin ndihma financiare për të transferua lojtarë.

Mesfushori i Ajaxit, Frenkie De Jong, nënshkroi kontratë me Barcelonën, ku do të luajë nga sezoni i ardhshëm, për 75 milionë euro plus 11 milionë euro shtesa. Ideja e Barcelonës është që t’i kompensojë paratë e shpenzuara për transferime me shitje.

Barcelona dëshiron të sigurohet se ka para në dispozicion në të gjitha kohërat për transferime të mundshme. Në anën tjetër, Victor Font, i cili synon të bëhet president i klubit, e ka shprehur shqetësimin e tij për politikat financiare të klubit.

“Ata nuk prodhojnë mjaftueshëm burime parash dhe shpenzimet e rregullta janë më të mëdha sesa përfitimet, kështu që duhet të shesësh disa lojtarë dhe kjo është një bombë kohore sepse duhet t’i shmangësh humbjet. Borxhi është shumë më i madh sesa që është lënë të kuptohet nga klubi’, ka thënë Font. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...