Chelsea është në mesin e shumë klubeve evropiane që tani ka filluar ta monitorojë situatën e yllit brazilian, Philippe Coutinhos, në Barcelonë, pasi që ai nuk është përshtatur mirë me klubin katalonas deri më tani, transmeton Gazeta Express.

Hazardi ende nuk e ka bërë publik vendimin për të ardhmen e karrierës së tij, mirëpo ai pritet të largohet nga klubi londinez dhe të transferohet në Madrid, pasi që nuk ka pranuar ta nënshkruajë kontratën e Chelseat me pagë prej 350 mijë eurosh në javë.

Real Madridi nuk i kishte paratë që i kërkonte Chelsea gjatë afatit kalimtar të verës së kaluar, pasi që drejtuesit e klubit anglez nuk pranonin ofertë nën 260 milionë euro. Mirëpo, për shkak se në kontratën e Hazardit do të mbeten vetëm edhe 12 muaj në verë, çmimi i tij është ulur në 100 milionë euro, shumë kjo që vlerësohet e arsyeshme nga madrilenët.

Përderisa Chelsea veçse e ka siguruar transferimit e anësorit amerikan, Christian Pulisic, nga Borussia Dortmund, ata janë duke e mbikëqyrur edhe situatën e Coutinho pasi që braziliani raportohet se është i gatshëm të largohet nga Camp Nou.

Deklaratat zyrtare nga Barcelona janë se Coutinho nuk do të shitet dhe presidenti i klubit ka thënë për një radio spanjolle këtë jave se ata nuk planifikojnë ta lejojnë largimin e brazilianit nga Camp Nou.

“A do ta shqyrtojmë mundësinë e shitjes së Coutinhos? Jo, është një premtim i klubit. Ai luan ndryshe, e di se si luajmë ne. Ne nuk duam ta shesim Coutinhos”, ka thënë Bartomeu për El Partizado de COPE.

Mirëpo, futbollisti ishte më misterioz kur u pyet nëse mund t’i japë fund karrierës së tij në Camp Nou, e cila nuk e arriti asnjëherë nivelin që pritej nga tifozët dhe klubi katalonas.

“Askush nuk e di çfarë do të  ndodhë në të ardhmen. Për momentin, në kokën time mendoj vetëm për punën që duhet ta bëjë”, është shprehur Coutinho. /Gazeta Express/