E ardhmja e Xherdan Shaqirit duket se do të jetë në Ligën Premier në Angli.
Ylli kosovar i Interit, nuk është grumbulluar fare me skuadrën italiane për ndeshjen miqësore ndaj Athletic Bilbaos, dhe largimi i tij duket i pa shmangshëm.
Sipas asaj që ka shkruar sot ‘Daily Star’, Evertoni mbetet favoriti kryesor për ta marrë gjilanasin në skuadër.
Skuadra angleze i ka dërguar ofertë zyrtare Interit për huazimin e kosovarit për një stinor me të drejt blerje në verën e vitit 2016.
Ende nuk ka ndonjë përgjigje zyrtare nga Interi, pasi shuma që Everton i ka propozuar Interit për ta blerë Shaqirin vitin e ardhshëm nuk është bërë publike.
Kujtojmë që për Shaqirin interesim kanë shprehur edhe skuadra tjera evropiane si Stoke City, Schalke 04 dhe Borussia Dortmund. /Telegrafi/
