“Askush s’i afrohet Van Dijkut, madje as Salah e as Kane”

PUBLIKUAR

Mbrojtësi i Liverpoolit Virgil van Dijk është lojtari më i veçuar i sezonit 2018-19 dhe është në rrugë të mirë për ta fituar çmimin lojtari i vitit, sipas Jamie Redknapp.

Kapiteni i Holandës u bë mbrojtësi më i shtrenjtë në botë kur e kompletoi kalimin në Liverpool nga Southamptoni për 75 milionë funte në janar të vitit 2018, transmeton Gazeta Express.

Van Dijk i ndihmoi Liverpoolit ta shndërrojë një mbrojtje plot gabime në mbrojtjen më të mirë në ligë.

Skuadra e Jurgen Kloppit e ka ruajtur portën e paprekur në 26 ndeshje në 52 paraqitjet e 27-vjeçarit, prej të cilave i ka fituar 37.

Dhe asnjë skuadër në Premierligë nuk ka pranuar më pak se 14 golat që i kanë pranuar të kuqtë me holandezin lider të mbrojtjes këtë sezon.

Ish-mesfushori i Liverpoolit Redknapp ndien se Van Dijk është favorit për ta fituar çmimin lojtari i vitit në Premierligë, madje para fituesit të vitit që lamë pas, Mohamed Salahut.

“Askush nuk i afrohet Virgil van Dijkut. Ai e ka transformuar Liverpoolin në një ekip të fortë si guri, i cili është favorit për ta fituar titullin pas 29 viteve”, tha Rednapp. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...