Brahim Diaz nuk po kalon nëpër një situatë të mirë te Real Madridi, ani pse i ishin premtuar kushte më të mira.
E la Manchester Cityn për shkak se Pep Guardiola nuk i garantoi minuta në ekipin e parë. E njëjta gjë po i ndodh edhe te Real Madridi. Fjala është për talentin 19-vjecar, Brahim Diaz, transmeton Gazeta Express.
Sipas Don Balon, Diaz tashmë është shumë i frustruar për mungesën e minutave te Los Blancos, edhe përkundër premtimeve për kushte më të mira gjatë negociatave.
Don Balon raporton se Diazit i ishin premtuar minuta për të lënë Cityn e Guardiolës, por deri më tani ka luajtur vetëm 24 minuta.
Përvec që nuk po luan, kohë pas kohe trajneri i Realit e lë atë në tribuna, por edhe krejtësisht në shtëpi.
Santiago Solari e sheh Diazin ashtu si Iscon, dhe që tani kanë nisur planet që lojtari të huazohet në qershor te Espanyoli. /Gazeta Expres/


