Përderisa debati më i madh në NBA, ligën më prestigjioze të basketbollit në Amerikë, vazhdon të jetë tema nëse Lebron James apo Michael Jordan është basketbollisti më i mirë i të gjitha kohëve, yjet e NBA e kanë gjetur edhe një temë tjetër për të cilën mund të debatojnë.
Basketbollisti spanjoll i Memphis Grizzlies, Marc Gasol pretendon se Lionel Messi është futbollisti më i mirë në botë, e jo Neymari, transmeton Gazeta Express.
Gasol, i cili i shënon mesatarisht 15.7 pikë për ndeshje këtë sezon, është përfshirë në debatin se a është më i mirë Messi apo Neymari, debat ky i nisur nga basketbollisti i Philadelphia 76ers, Jimmy Butler.
Butler, që më herët kishte luajtur për Chicago Bullsat, është tifoz i madh i futbollit dhe ia e ka bërë të qartë se kush është sipas tij futbollisti më i mirë në botë.
“Le të jemi falënderues për futbollisti më të mrekullueshëm në botë, Neymar Jr. Ai është G.O.A.T. (më i miri i të gjitha kohëve)”, thotë Butler në një video të publikuar në Yahoo Sports.

Ky koment ka nxitur një debat të madh, në të cilin është përfshirë edhe spanjolli Gasol. Ky i fundit është tifoz i Barcelonës dhe i ka dërguar Butlerit mesazh në Instagram për t’i thënë se Messi është më i mirë.
“Messi është i pari… pastaj vijnë të tjerët”, ka komentuar Gasol. /Gazeta Express/



