Sulmuesi suedez, Zlatan Ibrahimovic, ka dhënë sinjale se ai mund të jetë drejt rrugës për të nënshkruar me gjigantin italian, Milanin.
Milani ka kohë që po e kërkon lojtarin dhe PSG ka refuzuar që të diskutojë për të.
Por, tash duket se vet Ibrahimovic me agjentin e tij po e bëjnë punën që ai të kalojë te klubi Rossoner.
“Kjo mund të ketë qenë ndeshja ime e fundit për PSG-në. Këtë javë do të marr një vendim të rëndësishëm”, u shpreh Ibra pas fitores ndaj Lyonit.
PSG e mposhti mbrëmë Lyonin për të fituar Superkupën e Francës. /Telegrafi/
