Ministri gjerman flet për liberalizimin e vizave për Kosovën

PUBLIKUAR

LAJME TË TJERA

KDI: Ligji i ri i Punës të rikthehet në agjendën legjislative

Instituti Demokratik i Kosovës (KDI) publikoi sot analizën “Ligji i ri i Punës: në...

Lipjanasi ushtroi dhunë ndaj bashkëshortes, konfisohet një armë me leje

Policia Kosovës ka njoftuar përseri se ankuesja femër kosovare, ka raportuar se bashkëshorti i...

Ministri i Jashtëm i Kosovës Behgjet Pacolli u takua në Berlin me homologun gjerman Heiko Maas. Në fokus të bisedimeve ishte çështja e liberalizimit të vizave dhe e ardhmja e dialogut me Serbinë.

Ministri i jashtëm i Gjermanisë Heiko Maas tha në konferencën e shtypit, pas takimit me homologun kosovar, Behgjet Pacolli, se e mbështet liberalizimin e vizave për shtetasit e Kosovës dhe premtoi, se do të angazhohet si tek qeveria e tij ashtu edhe tek partnerët evropianë që ta miratojnë rekomandimin e Parlamentit Evropian dhe të Komisionit Evropian për liberalizimin e vizave.

“Premtimet e dhëna duhen mbajtur”, tha Maas. “E shohim se procesi i reformave në Kosovë vazhdon me vendosmëri.” E megjithatë ka shumë për të bërë, shtoi ai, duke dhënë si shembull luftën kundër korrupsionit dhe krimit të organizuar. Pacolli tha se pret që, sikurse është premtuar, të vihet në jetë liberalizimi i vizave.

Socialdemokrati Maas nuk flet ende zyrtarisht në emër të qeverisë, sepse për këtë do të duhet edhe qëndrimi i Ministrisë së Punëve të Brendshme, që drejtohet nga politikani i partisë konservatore bavareze CSU, Horst Seehofer. DW po pret tani reagimin e kësaj ministrie.

Siç kishte paralajmëruar më parë nëpërmjet deklaratës për media, ministri Jashtëm i Kosovës ka cekur në takim edhe çështjen e njohjes reciproke të lejeve të drejtimit të automjetit (patenta e shoferit). Maas tregoi mirëkuptim për këtë çështje që zakonisht nuk është objekt bisedash mes krerëve të diplomacisë dhe premtoi se do të interesohej te ministria përgjegjëse, Ministria e Qarkullimit dhe Infrastrukturës.

Eshtë hera e parë që Pacolli, në detyrën e tij si ministër i punëve të jashtme takohet zyrtarisht me homologun e tij gjerman, Heiko Maas. Ai shfrytëzoi rastin për këtë takim për të falënderuar Gjermaninë për mbështetjen që i ka dhënë Kosovës dhe për të nxitur biznesin gjerman që të jetë më aktiv në Kosovë. Tek e fundit, siç tha Pacolli, Kosova ka pasur një rritje prej 4,5 për qind.

Pacolli mori në mbrojtje masat doganore ndaj Serbisë dhe tha, me rastin e zgjedhjes së Grupit Negociator që do të përfaqësojë Kosovën në bisedimet me Serbinë, se marrëveshja që duhet të dalë prej andej është njohja e shtetit të Kosovës. /Tch

SHIKO MË SHUMË

KDI: Ligji i ri i Punës të rikthehet në agjendën legjislative

Instituti Demokratik i Kosovës (KDI) publikoi sot analizën “Ligji i ri i Punës: në...

Tre të plagosur me armë zjarri, njëri me thikë: Krejt çka ndodhi mbrëmë në Lupç, pas një mosmarrëveshje mes disa familjarëve

Katër persona kanë mbetur të plagosur të mërkurën në orët e pasdites në Lupç...

Moti sot: Diell, shi dhe shkarkime rrufesh

Të enjten, parashikohet të mbajë mot me vranësira të shpeshta dhe intervale me diell,...