Paul Pogba mund ta ketë rigjetur formën e vjetër me ardhjen e Ole Gunnar Solskjaer në stolin e Manchester Unitedit, por mesfushori francez nuk e pati natën e tij të mërkurën ndaj Newcastle Unitedit.
Mesfushori francez shumë lehtë ka mundur ta vendoste emrin e vet në listën e golashënuesve në fitoren 2-0 të “Djajve të kuq” kundër Newcastle në “St. James Park” në Premierligë, por ai nuk qe i zoti të shënojë në portën bosh, shkruan Gazeta Express.
Katër gola dhe tri asiste në tri ndeshjet e fundit me të drejtë mund të kenë qenë arsyje për tifozët e Unitedit të shpresonin në një tjetër shfaqje brilante nga Pogba dhe ai ishte aq pranë golit në një tjetër ndeshje nën urdhrat e norvegjezit.
Në minutën e 93-të, kur Unitedi tashmë e kishte të garantuar fitoren e katërt në katër ndeshjet e fundit, Pogba pranoi një top që e veri atë ballë për ballë me portierin e Newcastle, të cilin e kaloi fituesi i Kupës së Botës, por për habinë e shumë personave nuk arriti ta qëllojë portën bosh.
Pëkundër humbjes së një rasti si ky, Pogba pati paraqitje shumë të mirë. /Express/


