Ekzekutivi i komunës së Lipjanit, në saje të angazhimeve për përmirësimin e infrastrukturës , sot ka përfunduar me sukses rregullimin e trotuareve, mbrapa objektit të komunës së Lipjanit. Projekte të tilla po vazhdojnë si në rregullim ashtu dhe riparim të trotuareve edhe në disa rrugë të qytetit.
Në përmbyllje të këtyre punimeve, ka dalur vet kreu i komunës së Lipjanit, Imri Ahmeti, i cili shoqërohej me drejtorin e Shërbimeve Publike, Heset Sahitin.
“ Ne po përpiqemi të bëjmë maksimumin tonë edhe pse ka shumë punë për të bërë. Qëllimi ynë është që Lipjani të marrë pamjen e një qyteti modern, sipas standardeve evropiane”, ka theksuar kryetari Ahmeti
