Sulmuesi i Juventusit, Fernando Llorente, është bërë synim i shumë klubeve, ndërsa tash raportohet se Arsenali është klubi që po prin në garën për të siguruar shërbimet e tij.

Me transferimet e reja në sulmin e Bianconerëve, është zvogëluar edhe hapësira e spanjollit në sulmin bardh e zi për sezonin e ardhshëm, kështu që klubi italian ka shprehur interesim për ta shitur atë.

Sipas Tuttosport, Topçinjtë kanë primatin për të siguruar shërbimet e tij, pasi trajneri Arsene Wenger ka kërkuar me çdo kusht transferimin e shtatlartit në Emirates.

Përveç ekipit londinez, për Llorenten janë të interesuar edhe Barcelona, Manchester Unitedi, Real Madridi dhe Porto.