Kapiteni i Bayern Munichut, Philipp Lahm, thotë se nuk ka garanci nëse Thomas Muller do ta vazhdojë karrierën në Allianz Arena.
Futbollisti gjerman kërkohet nga Manchester Unitedi, madje është spekuluar se bavarezët kanë refuzuar një shumë marramendëse parash për të.
Sidoqoftë, Lahm pranon se në botën e futbollit, asgjë nuk mund të parashikohet.
“Në futboll mund të imagjinosh gjithçka. Nuk është vendimi im. Në futboll, gjërat zhvillohen shumë shpejtë”.
“Nuk varet vetëm nga lojtari… Mendoj se asnjëherë nuk mund të japësh garanci se do të ndodhë kështu apo ashtu”.
“Si rezultat i kësaj, nuk mund të jap garanci për Thomas Muller”, ka deklaruar Lahm. /Telegrafi/
