Ankohet Griezmann: E fitova Botërorin, çfarë duhet të bëj tjetër për ta fituar Topin e Artë?

PUBLIKUAR

Antoine Griezmann u shfaq i zhgënjyer që nuk e fitoi Topin e Artë, pas një viti të suksesshëm gjatë të cilit ai triumfoi në Evropa Ligë me Atletico Madridin dhe rrëmbeu trofeun e Kupës së Botës me Francën.

Griezmann përfundoi i treti, prapa fituesit Luka Modric dhe finalistit Cristiano Ronaldos për çmimin Topi i Artë 2018, transmeton Gazeta Express.

Sulmuesi francez fitoi dy trofe të rëndësishëm gjatë 2018-s, së pari Evropa Ligën me Atletico Madridin në maj dhe më pas Kupën e Botës me Francën në Rusi.

Griezmann ishte vendimtar në triumfin e Atleticos, duke shënuar një herë ndaj Arsenalit dhe gjysmëfinale dhe dy herë ndaj Marseille në finale.

Gjatë Kupës së Botës, ai i shënoi katër gola dhe dha dy asiste, përfshirë një kundër Kroacisë së Luka Modricit duke i ndihmuar Francës ta fitojë Botërorin për herë të dytë në histori.

“Kur e kuptova [që nuk kisha fituar], nuk doja të rrija në shtëpi në dy ditët e para [qesh]. Jo, është krenari e madhe të jesh në podium, të jesh kampion bote”, tha Griezmann.

“Llogaris në bashkëlojtarët e mi në klub dhe në ekipin kombëtar që në të ardhmen të jem në vendin e Lukës. E fitova Evropa Ligën dhe Kupën e Botës – çfarë duhet të bëj tjetër, nuk e di”, shtoi ai. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...