Në prag të festës së Fitër Bajramit, kryetari i komunës së Lipjanit, Imri Ahmeti, sot ka shpërndarë pako ushqimore për familjet skamnore. Financimi u bë nga komuna e Lipjanit, ndërsa në shpërndarje kontribuoi edhe Kryqi i Kuq, dega në Lipjan.
Familjet që u vizituan ishin ato të cilat jetojnë në kushte të rënda sociale, për të cilat komuna është kujdesur vazhdimisht edhe nëpërmjet institucioneve të tjera për t’ju dalur në ndihmë.
Kryetari i komunës, Imri Ahmeti, përgjatë kësaj vizite , duke ju uruar këtyre familjeve festën e Fitër Bajramit, theksoi se, komuna e Lipjanit ka përkushtimin e vazhdueshëm për t’ju dalë në ndihmë, këtyre familjeve që jetojnë në asistencë sociale, veçanërisht edhe në këto ditë feste.
“ Nuk e di dhe nuk kam fjalë qysh me ju falënderuar për këtë ndihmës, që po na bëni për festën e Bajramit, Zoti ju ndihmoftë juve kryetar, Imri Ahmeti, që nuk po na harroni asnjëherë”, kështu është shprehur një përfaqësues i një familje skamnore, njofton Komuna e Lipajnit
