Nënkryetari i Këshillit të Veprimit Rinor Lokal – Lipjan, njëherit Sekretar i përgjithshëm në Këshillin Qendror të Veprimit Rinor, Flakadon Osmani bashkë me strukturën e KQVR-së të prirë nga kryetarja, Vesa Ibrahimi u pritën në takim nga Ministri i Kulturës, Rinisë dhe Sportit, z. Kujtim Shala.

Ministri Shala i përgëzoi të rinjtë për kuvendin e mbajtur këto ditë, nëpërmjet të cilit janë zgjedhur organet drejtuese të këtij këshilli, si dhe i’u premtoi të rinjve mbështetje të vazhdueshme në përputhje me Ligjin për Fuqizim dhe Pjesëmarrje të Rinisë.