Ndërkohë që ekipet janë të angazhuara me ndeshjet kualifikuese të garave evropiane dhe disa prej tyre në para përgatitje për stinorin e ri, ju njoftojmë me datat e fillimeve të kampionateve kryesore në Evropë.

Ndër kampionatet kryesore të Evropës, më herët nis ai francez, më shtatë gusht, kurse një ditë më pas topi do të nisë të rrotullohet në Premierligën angleze.

Bundesliga fillon më 14 gusht, një ditë para kampionatit spanjoll, ndërsa java e parë e Serisë A italiane do të zhvillohet më 22 gusht.

Ndërkohë, ndeshjet e para në grupet e Ligës së Kampionëve janë në program për t’u luajtur më 15 shtator, kurse ato të Ligës së Evropës më 17 shtator. /Telegrafi/