Alexis Sanchez e ka “humbur besimin’, sipas ish trajnerit të tij në Arsenal Arsene Wenger, me kilianin që po vuan për të luajtur mirë në Manchester United.

Sulmuesi jug-amerikan kishte shkëlqyer në Emirates Stadium gjatë kohës sa kishte punuar nën urdhrat e francezit, me reputacionin e tij si njëri prej lojtarëve më të mirë në Londrën Veriore.

Ai, megjithatë, mori vendim që të largohet në janar për aventura të reja, pasi që kontrata e tij me Gunners skadonte në verën e këtij viti, duke ndryshuar atë për skuadrën nga Old Trafford.

Gjërat nuk shkuan siç kishte planifikuar Sanchezi në manchester, i cili ishte konsideruar një përforcim i madh, por deri me tani ka shënuar vetëm katër gola.

“Besoj që ai e ka humbur besimin në vetvete”, tha Wenger që është i mërzitur ta sheh ish lojtarin e tij në këtë formë të keqe me beIN Sports.

“Fuqia e Alexis Sanchez është të marrë iniciativë, të driblojë dhe të përkrahet nga publiku”.

“Këta janë lojtarët të cilët janë të prekshëm kur humbin besimin në lojën e tyre pasi që ajo bazohet në këtë duke pasur gjithmonë ndjenjën e iniciativës, ai e ka humbur këtë ngadalë”.

“Që nga fillimi i sezonit ai ka një nivel të lart të energjisë por ai e ka humbur edhe atë tani. Ndoshta tani do të rikthehet pasi që Mourinho e la jashtë për një kohë të gjatë”. /GazetaExpress/