Në Torinë të komunës së Lipjanit, u vendos Kolektori, i rrjetit të kanalizimit, i cili do të ndërlidh fshatrat e Puturoc, Ribar i Madh dhe Ribar i Vogël. Ndërsa pjesa e dytë do të vazhdojë tutje duke ndërlidhur fshatin Kraishtë.

Erërat e mëdha, kundërmimet e vazhdueshme, shfaqja e ndonjë sëmundje epidemike, ka qenë të pritshme çdo herë në këtë zonë.

Në mënyrë që të mbrohet shëndeti publik, dhe një problem i kahershëm jetik për banorët cilët jetojnë në këtë zonë, dhe t’ju sigurohet mbrojtje mjedisit jetësor, me intervenimin e kryetarit të komunës së Lipjanit, Imri Ahmeti, tashmë ky projekt, pothuajse është në fund të realizimit.