Barcelona bëri një paraqitje të shkëlqyer dje ndaj Real Madridit, dhe e mundi me rezultatin 5-1 edhe pse ishte në mungesë të Lionel Messit.
Trajneri i skuadrës, Ernesto Valverde, ka thënë se ende ndihet mungesa e Messit, pas fitores së rëndësishme në El Clasico, transmeton Gazeta Express.
Messi kishte pësuar një lëndim në krah, mirëpo Luis Suarez ishte më i miri i ndeshjes me tri golat e tij.
“Që nga java e kaluar, ne ishim duke menduar se si do të reagojmë në fushë me mungesën e Messit”, tha Valverde pas ndeshjes.
“Është vetëm një përgjigje, duhet të luash si ekip, dhe këtë e kemi bërë”.
“Sa më shpejt që kthehet ai, aq më mirë për skuadrën sepse ai na mungon shumë. E duam atë që nesër”.
Messi pritet të jetë jashtë fushave edhe për dy javë shkak i thyerjes së krahut. /Gazeta Express/


