Derbi i takon Interit

PUBLIKUAR

Zikaltrit e Luciano Spalletti triumfuan në ndeshjen e “Derby Della Madonnina”, përmes golit të shënuar në minutat e fundit të ndeshjes nga kapiteni Mauro Icardi, pas një gabimi të Gianluigi Donnarummas.

Ndeshja mes Interit dhe Milanit përfundoi me rezultat 1-0 në favor të zikaltërve. Ndeshjen e zhvilluar në San Siro, e vlefshme për xhiron e nënte të Serisë A, arriti t’ia sigurojë skuadrës së tij kapiteni Icardi, raporton Gazeta Express.

Pjesa e parë ishte e dominuar nga Interi, të cilët arritën të krijojnë më shumë raste se kuqezinjtë. Skuadra e Gattusos ishte më e përkushtuar për t’u mbrojtur në këtë pjesë, dhe gjatë kësaj pjese i bën vetëm katër pasime të topit brenda 16-metërshit të Interit, numri më i ulët i tyre në ndeshjet e këtij sezoni.

Rrjetën e portës së Gianluigi Donnarummas arriti ta prekë topi që në minutën e 12-të, kur Mauro Icardi shënoi në shtyllën e dytë, megjithatë këtë gol e anuloi gjyqtari Marco Guida për shkak se u shënua nga pozita jashtë loje.

Edhe Milani arriti ta shënojë një gol, e cila po ashtu u vlerësua si e parregullt pasi që u shënua nga një pozitë jashtë loje. Mateo Musacchio kishte shënuar, në mënyrë të parregullt, në minutën e 42-të, por rezultati mbeti 0-0.

Megjithatë, në pjesën e dytë, Interi e shfrytëzoi njërin nga rastet e fundit që e kishin, kur kapiteni dhe qendërsulmuesi argjentinas, Icardi, shënoi golin e fitores në minutat e fundit të ndeshjes.

Me këtë rezultat, Interi e vazhdon ecurinë e fitoreve, ndërsa e kundërta vlen për Milanin. Interi pozicionohet në vendin e tretë, me gjashtë pikë më pak se Juventusi në vend të parë, ndërsa Milani zbret në pozitën e 12-të.

Interi në ndeshjen e ardhshme në kuadër të Serie A-së udhëton si mysafirë në Romë ndaj Lazios, ndërsa Milani e pret në shtëpi Sampdorian. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...