Napoli ka lëshuar një kumtesë për shtyp për të qartësuar spekulimet rreth largimit të Gonzalo Higuain.
Klubi italian ka bërë të ditur se kushdo që dëshiron ta transferojë argjentinasin duhet të paguajë klauzolën për prishjen e kontratës së tij.
Milani dhe Arsenali janë ndër klubet e interesuara për ish-sulmuesin e Real Madridit, porse për ta blerë atë duhet të paguajnë 94.7 milionë euro.
“Napoli dëshiron t’i qartësojë artikujt e ndryshëm të publikuar në disa gazeta rreth largimit të Higuain”.
“Sqarimi zyrtar nga Napoli është ky: Ekziston një klauzolë në kontratën e Gonzalo Higuain. Klauzola është 94.736.000 euro”.
“Nuk ka pasur oferta. Kushdo që e dëshiron ta blejë lojtarin duhet t’ia paguajë klubit atë shumë”, thuhet në kumtesë. /Telegrafi/
