​Ramos dhe Griezmann përqafohen para derbit, francezi thotë se e ka shok kapiten e Realit

PUBLIKUAR

Zënka e fundit mes kapitenit të Real Madridit, Sergio Ramos, dhe sulmuesit francez të Atletico Madridit, Antoine Griezmann, u lë pas sapo këta dy dolën në fushë për derbin e qytetit, kur ata dy u përqafuan.

Ndeshja e zhvilluar mbrëmë në Santiago Bernabeu përfundoi me rezultat 0-0, përkundër dominimit të Real Madridit. Me këtë barazim, “Los Blancos” e humbën mundësinë për ta tejkaluar Barcelonën në tabelën e La Ligës, përcjell Gazeta Express.

Griezmann dhe Ramosi ishin zënë mes vete para kësaj ndeshjeje. Francezi e kishte postuar një karikaturë, ku shihej Ramosi duke ia vendosur në kokë kurorën Griezmannit. Ndërsa, Ramosi i ishte përgjigjur duke thënë se francezi e ka guximin e budallait, pas deklaratave të këtij të fundit se është në top tre lojtarët më të mirë të botës.

Megjithatë, përveç përqafimit para ndeshjes, që të dy u treguan paqësorë me njëri-tjetrin edhe pas ndeshjes.

“Ai është shoku im i vogël. Kam shumë respekt për të. Ai është një shembull për fëmijët dhe një qendërmbrojtës i mrekullueshëm. Për mua, kjo është një lojë, më pëlqen të argëtohem me bashkëlojtarët e mi dhe lojtarët nga skuadrat e tjera. Nganjëherë unë i ngacmoj, ndërsa këtë herë u ngacmova”, ka thënë Griezmann.

Përderisa nuk e ka quajtur shok, edhe Ramosi ka thënë se ka respekt për francezin, njëjtë si për çdo lojtar tjetër.

“Nuk kam biseduar me Griezmannin, pavarësisht mendimin për njëri-tjetrin, ne gjithmonë duhet të kemi respekt maksimal për një bashkëlojtar profesionist”. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...