Arsenali e ka kompletuar transferimin e portierit të Chelseat, Petr Cech, për një shumë rreth 11 milionë eurosh.

Pas shumë javësh të mbushura me spekulimet për transferimin e Cechut te Arsenali, më në fund kjo lëvizje u realizua.

Daily Mail raporton se Arsenali do të paguajë rreth 11 milionë euro për transferimin e tij, dhe ardhja e tij nënkupton se njëri nga portierët Wojciech Szczesny ose David Ospina do të largohen nga klubi.

Cech mund të debutojë pikërisht ndaj Chelseat me 2 gusht në Wembley në kuadër të Community Shield. Ai gjithashtu u kërkua shumë edhe nga PSG-ja, mirëpo ka dashur të qëndrojë në Premier Ligë. /Telegrafi/