​Busquetsi i shqetësuar me formën e Barcelonës

PUBLIKUAR

Mesfushori i Barcelonës, Sergio Busquets, është shprehur i shqetësuar me formën e skuadrës së tij, sidomos për shkak të gabimeve të mbrojtjes që po rezultojnë me gola dhe humbje të pikëve në La Liga.

Klubi katalonas u tregua i pandalshëm gjatë katër ndeshjeve të para të sezonit të ri të La Ligës. Megjithatë, dy ndeshjet e fundit nuk kanë rezultuar kaq të mira pasi që Barcelona i ka humbur pesë pikë në këto ndeshje, transmeton Gazeta Express.

Ata fillimisht humbën pikët e para në ndeshjen kundër Gironas, e cila përfundoi me barazim, ndërsa në ndeshjen e mbrëmshme kundër Leganesit, ata pësuan humbjen e parë të këtij sezoni. Në këto dy ndeshje, Barcelona i pranoi katër gola.

Mesfushori Busquets, në një interviste pas ndeshjes që përfundoi me rezultat 2-1, e shpreh i zhgënjyer me rezultatin dhe me golat e pranuar.

“Gjëja më shqetësuese është numri i golave që po pranojmë. Ne duhet të jemi më të qëndrueshëm. Këto janë detaje që të humbasin pikët dhe në duhet të përmirësohemi”, ka thënë Busquets. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...