​Isco lëshohet nga spitali pas operacionit

PUBLIKUAR

Faqja zyrtare e Real Madridi ka bërë të ditur se mesfushori spanjoll Isco është liruar nga spitali pas operacionit që pati mbrëmë. Ai është operuar për shkak se vuante nga apendiciti.

26-vjeçari do ta humbë ndeshjen e së shtunës kundër rivalëve të qytetit, Atletico Madridit pas operacionit që pati dje në mbrëmje, transmeton Gazeta Express.

Real Madridi nuk ka bërë të ditur se për sa do të mungojë Isco, megjithatë në media raportohet se ai do të mungojë për rreth katër javë dhe ndoshta nuk do të kthehet as për ndeshjet e El Clasicos kundër Barcelonës në Camp Nou.

“Lojtari ynë, Isco, është lëshuar nga spitali sot. Që nga tani, ai e fillon procesin e rikuperimit nën vëzhgimin e ekipit mjekësor të Real Madridit”, shkruhet në deklaratën e lëshuar nga klubi madrilen.

Mesfushori kishte qenë pjesë e ekipit të parë çdo ndeshje që nga emërimi i Julen Lopeteguit në pozitën e trajnerit të Real Madridit, pas dorëheqjes së Zinedine Zidanet. Ai ishte pjesë e të gjitha shtatë ndeshjeve të këtij sezoni, në të cilat i kishte shënuar dy gola. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...