Geoffrey Kondogbia është bërë lojtari më i paguar i Interit me përfitime prej afro pesë milionë eurosh për sezon.

Nerazzurrët i kanë paguar 35 milionë euro Monacos për transferimin e mesfushorit, i cili tashmë e ka nënshkruar kontratën me drejtorin Marco Fassone.

Shërbimet e tij i kërkonte edhe rivali lokal, Milan, por zikaltrit ia dolën të tregoheshin më të suksesshëm në këtë garë.

Sipas Sky Sport Italia, Kondogbia ka nënshkruar kontratë pesëvjeçare dhe do të përfitojë 4.5 milionë euro neto plus bonuset që në total sillet rreth pesë milionë.

Në këtë mënyrë, 22-vjeçari kalon Mauro Icardin në listën e lojtarëve më të paguar të Interit.

Kondogbia është transferi i tretë i Nerazzurrëve brenda 48 orësh, pas Giannelli Imbula (nga Olympique Marseille) dhe Joao Miranda (nga Atletico Madridi). /Telegrafi/